Let us Join for Social Cause

ਬੇਨਤੀ ਹੈ ਕਿ ਅੱਜ ਲੋੜ ਹੈ ਕਿ ਗੁਰੂ ਨਾਨਕ ਸਾਹਿਬ ਜੀ ਦਾ ਹਰੇਕ ਸਿੱਖ ਆਪਣੇ ਆਪ ਵਿਚ ਇਕ ਵਧੀਆ ਪ੍ਰਚਾਰਕ ਹੋਵੇ ! ਇਸ ਸਰਬੱਤ ਦੇ ਭਲੇ ਦੇ ਸੰਦੇਸ਼ ਨੂੰ ਸੰਸਾਰ ਦੇ ਕੋਨੇ ਕੋਨੇ ਵਿਚ ਪਹੁੰਚਾਉਣ ਦੀ ਜਿੰਮੇਵਾਰੀ ਗੁਰੂ ਸਾਹਿਬ ਜੀ ਦੇ ਸਿੱਖਾ ਦੀ ਬਣਦੀ ਹੈ | ਇਸ ਧੁਰ ਕੀ ਬਾਣੀ ਦੇ ਸ਼ੰਦੇਸ ਨੂੰ ਵਿਸਵ ਵਿੱਚ ਫੈਲਾਉਣਾ ਇਸ ਲਈ ਜਰੂਰੀ ਹੈ| ਕਿਉਕਿ ਇਸ ਵਿੱਚ ਜੋ ਸੰਦੇਸ ਹੈ| ਉਹ ਸਮੁੱਚੀ ਮਨੁੱਖਤਾ ਨੂੰ ਆਪਣੇ ਕਲਾਵੇ ਵਿੱਚ ਲੈ ਕੇ ਆਪਸੀ ਪਿਆਰ , ਭਾਈਚਾਰਾ ਅਤੇ ਸਾਂਝੀਵਾਲਤਾ,ਸਹੀ ਜੀਵਨ ਜਾਂਚ ,ਸੱਚੀ ਸੁੱਚੀ ਕਿਰਤ,ਵੰਡ ਛਕਣਾ ,ਦੁਖੀਆਂ ਦਾ ਦਰਦ ਵੰਡਾਉਣਾ , ਲੋੜਵੰਦਾ ਦੀ ਮਦਦ ਕਰਨਾ ਸਿਖਾਉਂਦਾਂ ਹੈ| ਜਿਸ ਜੀਵ ਨੇ ਵੀ ਇਸ ਗੁਰੂਆਂ /ਭਗਤਾਂ ਦੀ ਧੁਰ ਕੀ ਬਾਣੀ ਨਾਲ ਆਪਣੀ ਰਸਨਾ ਪਵਿੱਤਰ ਕੀਤੀ ਹੈ ਉਸ ਨੂੰ ਇਹ ਸੰਸਾਰ ਉਸ ਇਕ ਪਰਮੇਸ਼ਰ ਦਾ ਪਰਿਵਾਰ ਨਜਰ ਆਇਆ ਹੈ ਅਤੇ ਉਸ ਦੀ ਦਵੈਸ਼ ਭਾਵਨਾ ਸਦਾ ਲਈ ਖਤਮ ਹੋ ਗਈ ! ਇਸ ਧੁਰ ਕੀ ਬਾਣੀ ਵਿਚ ਇਤਨੀ ਵੱਡੀ ਤਾਸੀਰ ਹੈ ਕਿ ਇਹ ਵਿਸ਼ਵ ਸਾਂਤੀ ਪੈਦਾ ਕਰ ਸਕਦੀ ਹੈ| ਬਸ ਜਰੂਰਤ ਹੈ ਇਸਦਾ ਸੰਦੇਸ ਘਰ-ਘਰ ਵਿਚ ਪਹੁੰਚੇ| ਸਵਾਮੀ ਵਿਵੇਕਾਨੰਦ ਜੀ ਵੀ ਅਕਸਰ ਕਿਹਾ ਕਰਦੇ ਸਨ ਕਿ ਜੇ ਵਿਸ਼ਵ ਵਿਚ ਸਾਂਤੀ ਪੈਦਾ ਕਰਨੀ ਚਾਹੁੰਦੇ ਹੋ ਤਾਂ ਹਰੇਕ ਘਰ ਵੀਚ ਘੱਟੋ-ਘੱਟ ਗੁਰੂ ਨਾਨਕ ਸਾਹਿਬ ਦਾ ਇਕ ਸਿੱਖ ਜਰੂਰ ਪੈਦਾ ਕਰੋ |ਅੱਜ ਸਾਨੂੰ ਲੋੜ ਹੈ ਕਿ ਆਪਸੀ ਮਤਭੇਦ ਭੁਲਾ ਕੇ ਜਦੋ ਸਾਡਾ ਗੁਰੂ ਇਕ ਹੈ ਸਾਡਾ ਸਿਧਾਂਤ ਇਕ ਹੈ| ਬਾਣੀ ਇਕ ਹੈ| ਬਾਣਾ ਇਕ ਹੈ| ਗੁਰੂ ਦੀ ਦਿੱਤੀ ਹੋਈ ਜੇ ਰਹਿਤ ਮਰਿਆਦਾ ਇਕ ਹੈ ਤਾਂ ਵਖਰੇਵੇਂ ਵਾਲੀ ਗੱਲ ਕਿਥੇ ਹੈ| ਸ਼ਾਇਦ ਇਸ ਨੁਕਤੇ ਤੇ ਜੇ ਵੀਚਾਰ ਕਰ ਲਈ ਜਾਵੇ ਤਾਂ ਇਹ ਮਸਲਾ ਵੀ ਕੋਈ ਬਹੁਤ ਵੱਡਾ ਨਹੀਂ ਹੈ| ਅਤੇ ਗੁਰੂ ਸਾਹਿਬ ਜੀ ਦੀ ਖੁਸ਼ੀ ਵੀ ਇਸੇ ਵਿਚ ਹੀ ਹੋਵੇਗੀ|